පිලිකා සුව කිරීමට නොයෙක් ක්‍රම යොදා ගනී. මින් බොහෝ ක්‍රම අ‌දික මුදලක් අවශ්‍ය බව ද අප දනී. එමනිසා මෙම පිලියම් යොදා ගන්නා විට ඉන් රෝගියාට ඇතිවන මෙහෙය, වියදම් කරන මුදලට සරිලන බවට වෙදුන් වගකිය යුතුය. රෝගියාත් ඔහුගේ පවුලේ අය හා සහෝදරයනුත් සමග මේ ගැන පැහැදිලි කිරීමක් අනිවාර්‍යයෙන් සිදුවිය යුතුය.

සුව සේවය හා අපේ වෙදකම සැමටම බෙදා හැරීම

ලක්දිව සුව සේවය හැමට එකසේ පවරා නැත. සමහර පලාත්වල රෝහල පවතින්නේ අසතුටුදායක තත්ත්වයක බව කවුරුත් දනියි. මෙම විශමතා නැතිකිරීම වැදගත්ම කාරනයසේ සැලකීම එයට හොදම විසදුමයි. තවද, රටට ආවේනික වෙදකම බටහිර ක්‍රමයට අමතරව, සෑම වෙද විදුහලකම වෙද සිසුනට ඉගැන්වීම වහා කල යුතුය.

මතකයෙන් අමතකයට

රුදිර ආතතිය, දියවැඩියාව, තර බව, රුදිරයේ මේද ප්‍රමාණය වැඩිවීම යන සියල්ල ඇති අයගේ මතක ශක්තිය හීන විය හැකි බව අනාවැකියක් පලවී ඇත. කොලෙස්ටරෝල් අඩුවීමට ගන්නා බෙහෙත් වර්ග නිසා ද මෙය විය හැකි බව ට සැකයක් ඇත.

වෙද මහතුන් දියවැඩියාව හෝ රුදිර ආතතිය ඇති කෙනෙක් ලෙස හදුනා ගන්නා කොන්දේසි වසර කිහිපයකට පෙර වෙනස්කරන ලදී. මෙම කොන්දේසි ලොව පුරා පිලිගත් වහාම ලොව වෙසෙන එම රෝග ඇත්තන් මිලියන ගනනකින් වැඩි විය. මෙය පෙර දියවැඩියාව හා පෙර රුදිර ආතතිය ( pre diabetes and pre hypertension) ලෙස දැන් හදුනයි.

සුව බව රැක ගන්න ගොහින් ලෙඩ නැති අයට ලෙඩුන් ලෙස සැලකීම නිසා ඔවුනටත්, රටේ ආර්තිකයටත්, සමාජයටත් ඇතිවන බලපෑම කෙතරම්‍ විය හැකි ද? මෙසේ කිරීමෙන් වන්නේ හොදක් ද නොහොදක් ද? මේ ගැන නිතර වඩ වඩා සෝදිසි කිරීම නුවණට හුරුයි.

liyamu ලියමු

me nidahas dinayen patangena sinhala sinhalen liyamuda? ;-)

හෙම්බිරිස්සාවට අපේ ගමේ බෙහෙත් වඩා හොදයි

ඔව්. ප්‍රතිජීවක (ඇන්ටිබයොටික්ස්) හානිකරයි. දුන්නත් ගන්න එපා! ඔබට පමණක් නොව, සමාජයටම අගුණයි . ප්‍රතිශක්තිය වැඩි වඩා නපුරු බැක්ටීරියා පරිසරයටත් අපේ සිරුර තුලත් හදා වඩා ගන්න උවමනාවක් නෑ නොවේ ද?



http://www.cdc.gov/CDCTV/SnortSniffleSneeze/index.html?s_cid=tw_eh_141

ක්‍ෂය රෝගය හඳුනා ගැනීම ට පහසු ක්‍රමයක්

ක්‍ෂය රොගය ලොව වටා සිග්‍රව පැතිරී යන බවට ලෝක සෞඛ්‍ය සංවිදානය අනතුරු අඟවන නමුදු මෙම රෝගය හදුනා ගැනීම අසීරු කාරනයකි. එමනිසා පැය 2ක් වැනි කෙටි කාලයක් තුල රෝගය හදුනා ගත හැකි ක්‍රමයක් සොයා ගැනිම සතුටට කාරනයක් වීම නොඅනුමානයි. ජීන්එකස්පර්ට් (Gene Xpert System's MTB/RIF assay) ලෙස හදුනන මෙම පරීක්‍ෂණය මේලෙස යොදාගත හැකියි. $25 පමණ වියදමක් දැනට දැරිය යුතුවේ. $25000 පමණ මූලික උපකරණ සදහා වැයවේ. නිශ්චිතතාව 100%. තව ද ඖෂධ වලට ප්‍රතිශක්තිය දක්වන විෂබීජ හඳුනා ගැනීම ට මෙම ක්‍රමය යොදා ගත හැකිය.

සිංහල යුනිකේත අන්තර්ගත OS?

වින්ඩෝස් සෙවන් වල යුනිකේත සිංහල අන්තර්ගත වී ඇත. ඇපල් වල නැත. උභුන්ටු වල ද නැති බව සමහරු කියයි. මා භාවිතා කරන්නේ පරණ උභුන්ටු පදනමක් නිසා මම මේ ගැන හරියට නොදනිමි. දැනුවත් කරණු මැන!